Ustaz pikiri: Abaıdyń murasy - adamzattyń rýhanı qazynasy

BALQASh. QazAqparat - Abaı atynda ortalyq ashý, kıno túsirý, «Abaı» jýrnalyna qoldaý bildirý – aqynnyń bolmys qupııasy jáne tereńimen qaýyshtyrý. Qazaqstan Prezıdentiniń «Abaı jáne HHІ ǵasyrdaǵy Qazaqstan» atty maqalasy týraly Balqash qalasyndaǵy №16 mekteptiń qazaq tili men ádebıet pániniń muǵalimi Saıagúl Syzdyqova osyndaı pikir bildirdi, dep habarlaıdy QazAqparat.

«Qazaqstan Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy ustazdar qaýymyn beı-jaı qaldyrǵan joq. Óıtkeni, Abaı qazaq ádebıetindegi qaıtalanbas zor tulǵa, aqyn, fılosof, aǵartýshy. Aqyn tarıhymyz ben ádebıetimizde asa kórnekti oryn alady. Onyń shyǵarmalary qazaqtyń ulttyq jazba ádebıetiniń negizin qalady. Aqynnyń mol ádebı murasy tek bir halyqtyń ǵana emes, búkil adamzattyń rýhanı qazynasy bolyp sanalady», deıdi Saıagúl Syzdyqova.

Onyń aıtýynsha, el Prezıdentiniń Abaıǵa erekshe nazar aýdarǵanynda úlken mán bar.

«Abaı dese qazaq, qazaq dese Abaı eske túsetin úlken uǵym qalyptasqan. Abaı atynda ortalyq ashý, kıno túsirý, «Abaı» jýrnalyna qoldaý bildirý aqynnyń – myńjyldyqtardy qushaǵyna syıǵyzǵan, zamanalar syryn tolǵaǵan, adam bolmysynyń qupııasy men tuńǵıyq tereńimen qaýyshtyrý dep bilemiz. Rýhanı jetilýdiń joldaryn kósemdikpen kórsetken keleshektiń kemel jaratylǵan Uly dalanyń óren tulǵasy ár qazaq balasyna altyn qazyq ekendigi sózsiz. Hakimniń qaǵıdaty, ustanymy – memleket órkendeýi men qoǵamdy izgilendirýdiń, eldi sáýlelendirýdiń kepili. Sondyqtan, Qazaqstan Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy ulttyq mádenıetimizdiń máıegimen sýsyndaýǵa yqpal etedi», deıdi Saıagúl Syzdyqova.

Onyń paıymynsha, Abaıdyń dástúri, mektebi – Uly dala rýhanııatynyń jańaryp-jańǵyrýyna, jas urpaqtyń oı-sanasynyń jetilýine jol ashady.