Úsik, jel, qar, burshaq: búgin kún raıy qalaı bolady

<p>ASTANA. KAZINFORM &ndash; &laquo;Qazgıdromet&raquo; RMK-sy mamyrdyń 28-i kúngi kún raıy boljamyn jarııalady.</p>

Kásiporynnyń derekterine qaraǵanda, elimizdiń batys óńirleri aýqymdy ańtıtsıklon yqpalynda bolǵandyqtan, munda kún ashyq bolady. Elimizdiń qalǵan aýmaqtarynda tsıklon jáne onymen baılanysty atmosferalyq aǵyndar áserinen, kún áli de qubylmaly bolady, jańbyr jaýyp, naızaǵaı oınaıdy, túnde elimizdiń soltústik-shyǵysynda, shyǵysynda qatty jańbyr jaýyp, túnde Qazaqstannyń soltústiginde, ortalyǵynda jaýyn-shashyn, elimizdiń shyǵysynda jaýyn-shashyn qar, jańbyr jaýady. Respýblıka boıynsha ekpindi jel soǵyp, soltústikte, shyǵysta burshaq jaýady, daýyl turyp, soltústik-batysta, shyǵysta túnde tuman túsedi.

Túnde Aqmola oblysynyń batysynda, soltústiginde, shyǵysynda, Ulytaý, Qaraǵandy, Aqtóbe oblystarynyń soltústiginde, Soltústik-Qazaqstan, Qostanaı oblystarynyń batysynda, ońtústiginde Almaty oblysynyń taýly aýdandarynda 1-3 gradýs úsik júredi.

Qostanaı oblysynyń ońtústiginde, Atyraý oblysynyń batysynda, ońtústiginde, Qyzylorda oblysynyń shyǵysynda, Batys Qazaqstan oblysynyń batysynda, ońtústik-batysynda joǵary órt qaýipi saqtalady.

Jetisý oblysynyń shyǵysynda, Túrkistan oblysynyń shóldi aýdandarynda tótenshe órt qaýipi saqtalady.