Usynylǵan reaktorlar qaýipsiz: Qazaqstanda AES qurylysy jónindegi sarapshy

<p>ASTANA. KAZINFORM &ndash; ıAdrolyq tehnologııalardyń qaýipsizdigi jónindegi ǵylymı-tehnıkalyq ortalyq atqarýshy dırektorynyń orynbasary Oleg Romanenko Qazaqstanda bolashaqta atom elektr stantsııalaryn salýǵa usynylyp otyrǵan reaktorlar týraly aıtyp baıandap berdi.</p>

Onyń aıtýynsha, III jáne III+ býyndy sý reaktorlaryn paıdalaný josparlanýda. Bul tehnologııalar atom elektr stantsııalarynyń joǵary qaýipsizdigi men jumys tıimdiligin qamtamasyz etedi.

«Usynylyp otyrǵan reaktorlarǵa keletin bolsaq, áńgime qysymmen jumys isteıtin III jáne III+ býyn reaktorlary týraly bolyp otyr. Bul reaktorlar qos kontýrly: reaktordaǵy sý qaınamaıdy, biraq qyzady jáne jylýdy ekinshi kontýrdaǵy bý generatorlary arqyly beredi, onda bý paıda bolyp, sodan keıin ol týrbınaǵa jiberiledi. Olar germetıkalyq qabyq – konteınmentpen, sondaı-aq apattyq salqyndatý júıelerimen jabdyqtalǵan. Qýat joǵalǵan jaǵdaıda reaktordyń belsendi aımaǵy salqyndatýdy jalǵastyrady, al protsester baıaýlaıdy, bul qosymsha qaýipsizdikti qamtamasyz etedi. ıAǵnı, usynylǵan jobalar áldeqaıda qaýipsiz», - dedi ol.

Buǵan deıin «Qazaqstandyq atom elektr stantsııalary» JShS jetekshi ınjeneri Asýan Sııabekov te Qazaqstan reaktorlyq tehnologııalardy sátti paıdalaný úshin tek dáleldengen, referenttik bloktardy qarastyratynyn aıtty – bul 3, 3+ býyn qondyrǵylary.

«Olarda aýyr apattar yqtımaldyǵy óte tómen. Atom elektr stantsııasynyń 10 mln jyldan astam jumysynda tek bir ǵana apat bolýy múmkin. Alaıda atom elektr stantsııalary bar bolǵany 60, 80 nemese maksımým 100 jyl paıdalanylady. Osyny eskerý kerek», - dedi Asýan Sııabekov Qaraǵandy turǵyndarymen kezdesýinde.

Sonymen qatar, «Qazaqstan atom elektr stantsııalary» JShS bas dırektory Tımýr Jantıkın Aqtóbe qalasy turǵyndarymen kezdesýinde III jáne III+ býyn reaktorlary barlyq zamanaýı qaýipsizdik talaptaryna saı keletinin jáne ekonomıkalyq kórsetkishterdiń jaqsarǵanyn atap ótti.

Sondaı-aq, sarapshylar Qonaevta qoǵamdyq talqylaýlar barysynda Qazaqstandaǵy atom elektr stantsııalarynda MAGATE-niń eń qatań standarttaryna sáıkes keletin III jáne III+ býyn reaktorlary qoldanylatynyn atap ótti.