Úsik shalǵan adamǵa alǵashqy kómek qalaı kórsetilýi kerek

ASTANA. QazAqparat - Densaýlyq saqtaý mınıstrligi úsik shalǵan adamǵa alǵashqy kómekti qalaı kórsetý kerektigin málimdedi, dep habarlaıdy QazAqparat.

Zardap shekken adamdy jylytý úshin ony jyly úı-jaıǵa ákelip, ystyq shaı nemese sút bergen durys. Zaqymdanǵan aıaq-qoldardy jyly japqyshpen oraý qajet.

«Eger úsik shalý shamaly bolsa, qoldyń saýsaqtaryn qoltyqtyń astyna tyǵý arqyly jylytýǵa bolady. Eger muryndy úsik shalsa, ony jylytý úshin qoldyń jylýy jetkilikti. Teriniń jylyǵan aımaǵynyń qaıtadan tońýyna jol bermeńiz. Tin jıi qatyp, jylynatyn bolsa, soǵurlym zaqymdanýy múmkin», - dep eskertti vedomstvodan.

Eger betti nemese muryndy úsik shalsa, jylytý úshin olardy aıazda ysqylaýǵa, sodan keıin zardap shekken adamdy úı-jaıǵa aparýǵa bolady. Úsik shalǵan jerlerdi qarmen ysqylaý usynylmaıdy. Qar odan saıyn úsitedi, al úshkir usaq muzdar terini zaqymdaýy múmkin.

Alǵashqy kómek kórsetilgennen keıin naýqasty aýrýhanaǵa tez jetkizý kerek, óıtkeni azdap úsik shalý da organızmniń qorǵaný kúshin tómendetedi.