Úsik, órt qaýpi, jel: sınoptıkter elimizdiń 18 óńirinde aýa raıyna baılanysty eskertý jasady
Astana, Almaty men Shymkentte órt tutaný qaýpi joǵary.
Abaı oblysynyń soltústik-batysynda túnde 1 gradýsqa deıin topyraq betinde úsik júrýi múmkin. Órt tutaný qaýpi bar.
Aqmola oblysynyń soltústik-shyǵysynda túnde topyraq betinde 1 gradýsqa deıin úsik júredi. Soltústik-shyǵystan soqqan jel soltústik-batysqa aýysyp, kúndiz oblystyń ońtústik-batysynda, soltústik-batysynda kúsheıedi. Ekpini – 15-20 m/s. Órt tutaný qaýpi bar.
Almaty oblysynyń ortalyǵy men soltústiginde tótenshe órt qaýpi bar. Oblystyń ońtústiginde órt tutaný qaýpi joǵary.
Atyraý oblysynyń ońtústigi men batysynda kúndiz shańdy boran soǵady. Oblystyń batysy men ońtústiginde kúndiz ońtústik-shyǵystan, ońtústikten 15-20 m/s jel turady. Kúndiz 39 gradýsqa deıin qatty ystyq bolýy múmkin. Soltústik, shyǵys pen ońtústiginde tótenshe órt qaýpi saqtalǵan.
Shyǵys Qazaqstan oblysynda da órt tutaný qaýpi joǵary.
Jetisý oblysynda 15-16 maýsymda soltústigi men shyǵysynda soltústik-shyǵystan jel soǵady, Alakól aýdanynda ekpini 23-28 m/s jetedi. Oblystyń kóp bóliginde tótenshe órt qaýpi bar.
Qaraǵandy oblysynyń ońtústiginde shańdy daýyl turýy yqtımal. Oblystyń ońtústik, shyǵysyndaǵy soltústik-shyǵystan, shyǵystan soqqan jel jyldamdyǵy 15-20 m/s bolady. Oblystyń ońtústiginde órt tutaný qaýpi joǵary.
Qostanaı oblysynyń batysynda kúndiz kún kúrkireıdi. Ońtústik-batystan soqqan jeldiń jyldamdyǵy – 15-20 m/s. Oblystyń ońtústik bóliginde tótenshe órt qaýpi bar.
Qyzylorda oblysynyń ortalyǵynda kúndiz soltústik-shyǵystan ekpini 15-20 m/s jel soǵady. Kúndiz 40 gradýsqa deıin aptap ystyq bolýy múmkin. Órt tutaný qaýpi joǵary.
Mańǵystaý oblysynyń soltústigi men ortalyǵynda shańdy daýyl turady. Oblystyń soltústigi men ortalyǵynda 15-20 m/s jel soǵady. Kúndiz oblystyń kóp bóliginde 40 gradýsqa deıin aptap ystyq bolady. Pavlodar oblysynyń soltústigi men batysynda órt tutaný qaýpi saqtalǵan.
Pavlodar oblysynyń soltústigi men batysynda tótenshe órt qaýpi bar.
Soltústik Qazaqstan oblysynyń soltústigi, batysy men shyǵysynda ońtústik-batystan, batystan jyldamdyǵy 15-20 m/s jel turady, tótenshe órt qaýpi bar.
Túrkistan oblysynyń taýlarynda kún kúrkirep, daýyl turady. Taýly aımaqtarda kúndiz soltústik-shyǵystan jel soǵady, ekpini – 15-20 m/s. Kúndiz oblystyń shóldi aýdandarynda 42 gradýsqa deıin aptap ystyq bolady. Oblystyń kóp bóliginde tótenshe órt qaýpi saqtalady.
Ulytaý oblysynyń ońtústiginde 15-17 maýsymda shańdy daýyl soǵady. Oblystyń ońtústiginde soltústik-shyǵystan, shyǵystan soqqan jeldiń jyldamdyǵy 15-20 m/s jetedi. Kúndiz oblystyń kóp bóliginde 35 gradýsqa deıin qatty ystyq bolady eken. Oblys ortalyǵy men ońtústiginde órt tutaný qaýpi saqtalady.