Úshten astam adamnyń ólimine ákeletin kólik apattary jıilep ketti – ІІM

ASTANA. QazAqparat – Іshki ister mınıstrliginiń ókili Shuǵyla Turlybek keıingi kezde birneshe adamnyń ólimimen aıaqtalatyn kólik apattary jıilep ketkenin málim etti, dep habarlaıdy QazAqparat tilshisi.

«Jol-kólik oqıǵalaranyń aldyn alý baǵytynda atqarylyp jatqan jumystarǵa qaramastan, el joldaryndaǵy ahýal kúrdeli kúıinde qalyp otyr. Ásirese 3-ten asa adamnyń qazasyna ákep soǵyp jatqan apattardyń jıilep ketýi alańdatady. Ondaı apattardyń bári qala syrtyndaǵy tasjoldarda bolǵan. Bul jaıttar jol qozǵalysyna qatysýshylardyń tártibi tómen ekenin jáne júrgizýshilerdiń ózine tym senimmen qaraýynan oryn alǵanyn kórsetedi», - dedi mınıstrlik ókili.

Sh.Turlybektiń aıtýynsha, mınıstrlik osy apattarǵa taldaý jasaǵan.

«Taldaý kórsetkendeı, mundaı apattardyń bárinde júrgizýshiler aldyndaǵy kólikti basyp ozý úshin asyǵystyqqa baryp, qarsy jolaqqa shyǵady jáne jyldamdyqty qatty arttyrady. Saldarynan kólik tizginine ıe bola almaı qalady. Jol-kólik oqıǵalarynyń 95 paıyzy júrgizýshiniń qamsyzdyǵy men salǵyrttyǵynan bolady. Jol qatelikti keshirmeıtini bárine belgili. Sondyqtan ІІM jol qozǵalysyna qatysýshylardyń bárine asyqpaı júrip, qozǵalys jyldamdyǵy men araqashyqtyqty saqtaý kerektigin eskertedi», - deıdi Shuǵyla Turlybek.