Úsharalda 60 otbasy baspanaly boldy

<p>Jetisý oblysy Alakól aýdanynda kezekte turǵan 60 otbasy jańa jyldy jańa páterde qarsy aldy. Úsharal qalasynda mereke qarsańynda bes qabatty turǵyn úı paıdalanýǵa berildi, dep habarlaıdy <a href="Kazinform." target="_blank" rel="noopener">Kazinform</a> oblys ákimdiginiń baspasóz qyzmetine silteme jasap.&nbsp;</p>

Oblys ákimi Almas Ábdınov turǵyndardy qonys toımen jáne jańa jylmen quttyqtady. Ol sondaı-aq turǵyndardy baspanamen qamtamasyz etý – memlekettiń áleýmettik saıasatynyń basty baǵyttarynyń biri ekenin, osyǵan oraı óńirde qajetti sharalar qolǵa alynyp jatqanyn tilge tıek etti. 

– 2023 jyldyń basynda Alakóldegi 40 otbasy baspanaly bolsa, qazir taǵy 60 otbasy qonys toıyn toılap jatyr. Bul óńirdegi eleýli oqıǵa, - dep atap ótken ákim baspanaly bolǵan qýanysh ıelerine kópten kútken páterdiń kiltin tabys etti. 

Aıtpaqshy, Alakól aýdanynda 1 646 adam baspana kezeginde tursa, endi olardyń sany 60 otbasyǵa azaıdy. Bes qabatty ǵımaratta bir jáne eki bólmeli 15, úsh bólmeli 30 páter bar.