Úsharal-Taldyqorǵan baǵytynda ushaq qatynaıdy
«Jetisý» áýe kompanııasy osy jyldyń 11 tamyzynan bastap Úsharal-Taldyqorǵan baǵyty boıynsha jazǵy maýsymda 28 reıs jıiligimen, qalǵan kezeńde 14 reıs oryndaıdy. Ushýlar syıymdylyǵy 19 oryndyq «L-410» ushaqtarynda oryndalatyn bolady. Bılet baǵasy - 8 000 teńge», - delingen QR Indýstrııa jáne ınfraqurylymdyq damý mınıstrligi Azamattyq avıatsııa komıteti taratqan aqparatta.
Aıta keteıik, «Qazaqstannyń avıatsııalyq ákimshiligi» AQ ınspektorlary jasandy ushý-qoný jolaǵy qaıta jańartylǵan Úsharal áýejaıyna sertıfıkattyq tekserý júrgizip, paıdalanýǵa ruqsat berdi. Búgin áýe kompanııalary Úsharal – Almaty jáne Úsharal – Nur-Sultan sýbsıdııalanatyn baǵyttary boıynsha avıabıletterdi satýdy bastaıdy.
Reısterdi «SCAT» áýe kompanııasy «CRJ2» áýe kemelerinde (syıymdylyǵy 50 oryndyq) jazǵy maýsymda ár baǵyt boıynsha aptasyna 14 reıs jıiligimen, qalǵan ýaqytta 7 reıs oryndaıtyn bolady. Bılet quny 15 000 jáne 16 000 teńge. Ushýlar osy jyldyń 15 tamyzynan bastalady.