«Úsharal-Dostyq» tasjolynda 12 kópir salynady

ALMATY OBLYSY. QazAqparat – «Úsharal-Dostyq» tasjolynyń 60 shaqyrymy bıyl qoldanysqa tapsyrylady, dep habarlaıdy QazAqparat QR Indýstrııa jáne ınfraqurylymdyq damý mınıstrligine silteme jasap.

«Uzyndyǵy 184 shaqyrymdy quraıtyn «Úsharal-Dostyq» avtomobıl joly Almaty oblysyna qarasty Yntaly, Kóktýma, Jalańashkól jáne Dostyq eldi mekenderi arqyly ótetin bolady. Búgingi tańda bas merdiger «Qyran» JShS men «ABK Avtodor NS» JShS negizgi jumystarǵa kirisip ketti. Jumystyń sapasyn «Aımerke» JShS, «Alıans» IÓO» JShS men «Sapaınjınırıng» JShS birlesip baqylaıdy», - delingen aqparatta.

Rekonstrýktsııadan keıin Úsharal jáne Dostyq eldi mekenderin jalǵaıtyn 184 shaqyrymdyq kúre jol ІІ-tehnıkalyq sanatqa saı bolady. Ekijolaqty bolatyn trassanyń boıyna barlyǵy 12 kópir, 278 qubyr salynatyny josparlanǵan. Sondaı-aq demalys alańdary, eldi mekender mańyna avtopavılondar ornatylady.

Bul jumystarǵa 363 jol-qurylys tehnıkasy men 571 maman jumyldyrylmaq.

«Aǵymdaǵy jyldyń sońyna deıin atalmysh joldyń 60 shaqyrymynda qozǵalys ashylady dep josparlanǵan. Joba aıasyndaǵy jumystar 2022 jyly tolyqtaı aıaqtalaýy tıis», - dedi mınıstrlikten.