Ushaqtyń apattyq esigin ashyp jibergen almatylyq jigit jaýapqa tartyldy

<p>Áýe kemesiniń apattyq esigin ashqan er adam ákimshilik jaýapkershilikke tartyldy, &ndash; dep habarlaıdy Polisia.kz.&nbsp;</p>

23 jeltoqsanda Fly Arystan áýe kompanııasy ókilderiniń ótinishi boıynsha Almaty qalasy áýejaıyndaǵy jelilik polıtsııa bóliminiń qyzmetkerleri Shymkent – Almaty baǵytyndaǵy reıs jolaýshysyn anyqtap, ustady. Quqyq buzýshy akt boıynsha reısten túsirildi.

Tekserý barysynda ushaq bortyndaǵy qaýipsizdik erejelerine baǵynbaǵan Almaty qalasynyń 29 jastaǵy mas turǵyny anyqtaldy. Medıtsınalyq kýálandyrý qorytyndysyna sáıkes, ol “ortasha dárejeli” mas kúıde bolǵan. Quqyq buzýshyǵa qatysty polıtsııa qyzmetkerleri QR ÁQBtK-niń 440-baby 1-bóligi, 566-baby 1-bóligi, 434-baby 1-bóligi boıynsha birden úsh ákimshilik hattama toltyryp, 8 AEK kóleminde aıyppul saldy.

Usaq buzaqylyq boıynsha is sheshim qabyldaý úshin Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna joldanatyn bolady. Atalǵan bap boıynsha quqyq buzýshy 15 táýlikke deıingi ákimshilik qamaýǵa alý túrinde jazalanýy múmkin.