Ushaqty keshiktirgen kompanııalardyń aıyppuly arta ma – mınıstr jaýaby

<p>ASTANA. KAZINFORM &ndash; Kólik mınıstri ushaqty keshiktirgen áýe kompanııalaryn jazalaý sharalary qalaı qatańdatylatynyn aıtty.</p>

«Buǵan deıin Azamattyq avıatsııa komıteti Scat jáne FlyArystan kompanııalaryna 3,6 mln teńge aıyppul salǵandaryn habarlaǵan edi. Eseptep qarasańyz, olarǵa ushaǵy keshikken jolaýshylarǵa qonaqúı jaldaǵannan aıyppul tóleı salý tıimdi ekenin kóresiz. Áýemen jolaýshy tasymaldaýshylardy zań talaptaryn saqtaýǵa ıtermeleıtindeı aıyppul taǵaıyndaýǵa nıettisiz be?» - dep surady jýrnalıst.

Mınıstr atalǵan olqylyqtar úshin salynatyn aıyppul 1,5 ese óskenin aıtty.

«Esińizde bolsa, buryn ushaq kesteden 8 saǵat keshikkende ǵana qonaq úı men sýsyn usynylatyn. Biz osy ýaqytta eki ese qysqarttyq. Sondaı-aq, buryn áýe kompanııasy ushaqtyń keshigetinin aldyn ala habarlasa, qonaq úı men sýsyn usynýǵa mindetti emes edi. Bul turǵyda da zań qatańdatyldy», - degen mınıstr aıyppul kólemin taǵy kóterý josparda joq ekenin atap ótti.

«Biz qazir ondaı máseleni qarastyryp jatqan joqpyz. Biraq qısyny bar, qaraýǵa daıynbyz. Biraq onda da aıyppul somasy boıynsha emes, kompanııanyń ımıdji týraly aıtyp otyrmyn. Qazir ushaǵy keshikken jolaýshylarǵa sýsyn, qonaq úı usynbaı qoıý sııaqty jaıttar azaıyp keledi. Kompanııalar mindetterin, oryndap, ımıdjin buzbaýǵa tyrysyp jatyr», - dedi ol.