Ushaqta veıp shekken jolaýshy 184 myń teńge aıyppul arqalady

<p>PAVLODAR. KAZINFORM - Áıel adam FlyArystan kompanııasynyń ushaǵymen Almatydan Pavlodarǵa sapar shekken. Jolaýshy reıs kezinde bort qyzmetkerleriniń eskertýin elemesten elektrondy shylymyn tútindetken. Áýe kemesi áýejaıǵa kelip qonǵanda ony jelilik polıtsııa qyzmetkerli kútip aldy.</p>

Bul týraly jelilik polıtsııa bóliminiń baspasóz qyzmeti habarlady.

«FlyArystan áýe kompanııasynyń «Almaty-Pavlodar» baǵytyndaǵy reısi ushyp kelgennen keıin polıtsııa qyzmetkerleri akti boıynsha quqyq buzýshyny áýejaıda tejep qaldy. Almaty oblysy Talǵar aýdanynyń 34 jasar turǵyny ushaq salonynda elektrondy shylym shekken» dep málimdedi baspasóz qyzmetinen.

Ákimshilik quqyq buzý týraly kodekstiń 441-baby 1 jáne 2-tarmaqtarynda áýe kemesiniń bortynda temeki jáne elektrondy shylym shekkeni úshin 50 aılyq eseptik kórsetkish mólsherinde aıyppul salynatyny kórsetilgen.

Azamatshaǵa elektrondy temeki ónimderin tutyný faktisi boıynsha ákimshilik hattama toltyrylyp, 184 600 teńge mólsherinde aıyppul salyndy.