Ushaqta mas kúıinde tártip buzǵan astanalyq ánshi reısten túsirilip, aıyppul tóledi

<p>ASTANA. KAZINFORM &ndash; Elorda turǵyny, mádenıet salasynyń qyzmetkeri Shymkent-Astana baǵytyndaǵy áýe reısinde qoǵamdyq tártipti buzǵan. Mas jolaýshy jaýapqa tartyldy. Bul týraly Іshki ister mınıstrligi ákimshilik polıtsııa komıtetiniń tóraǵasy Qaısar Sultanbaev málim etti.</p>

«Ótken jyldyń 18 jeltoqsanynda 7308 Shymkent-Astana reısinde FlyArystan kompanııasy ókiliniń aktisine sáıkes jolaýshy Nurymbetov (Baýyrjan Nurymbetov)  áýe reısinen túsirildi. 1982 jyly týǵan elorda turǵyny Tselınograd aýdandyq (Aqmola oblysy) mádenıet úıinde jumys isteıdi. Ol mas kúıinde qoǵamdyq tártipti buzdy», — dedi Qaısar Sultanbaev Ortalyq kommýnıkatsııalar qyzmeti alańynda ótken baspasóz máslıhatynda.

Komıtet basshysynyń aıtýynsha, bıyl 17 qańtarda Astana qalasynyń mamandandyrylǵan aýdanaralyq sotynyń qaýlysymen azamat B. Nurymbetov ákimshilik quqyq buzýshylyq jasaǵany úshin kináli dep tanylyp, jaýapqa tartylǵan. 

Oǵan 15 AEK, ıaǵnı 55 380 teńge kóleminde aıyppul salyndy. 

Sondaı-aq, áleýmettik jelilerde Baýyrjan Nurymbetov esimdi ártistiń bary belgili boldy.