Ushaqta elektrondy temeki shekken jasóspirimniń ata-anasyna aıyppul salyndy

<p>Áýe kemesiniń bortynda temeki shekken kámeletke tolmaǵan jolaýshy qyzdyń zańdy ókiline aıyppul salyndy. <a href="Kazinform" target="_blank" rel="noopener">Kazinform</a> bul týraly Polisia.kz-ke silteme jasap habarlaıdy.&nbsp;</p>

SCAT áýekompanııasynyń Atyraý – Taraz baǵytyndaǵy reısi ushyp kelgennen keıin Taraz qalasy áýejaıyndaǵy jelilik polıtsııa bólimshesiniń qyzmetkerleri akt boıynsha quqyq buzýshyny túsirip aldy.

Polıtseıler tekserý barysynda ushaq salonynda elektrondy temeki shekken jolaýshynyń Atyraý qalasynyń 15 jastaǵy turǵyny ekenin anyqtap, kámeletke tolmaǵan jolaýshymen profılaktıkalyq áńgime júrgizdi. Saqshylar oǵan temeki shegýdiń, alkogoldi ishimdik ishýdiń jáne basqa da qaýipti psıhotroptyq zattardyń densaýlyqqa zııan ekeni týraly aıtty. Sondaı-aq ushaq bortynda qaýipsizdik erejelerin saqtaý kerektigin túsindirdi.

Budan bólek, qyzdyń ata-anasyna QR ÁQBtK-niń 127-babynyń 1-bóligimen ákimshilik hattama toltyrylyp, 10 AEK (36 920 teńge) kóleminde ákimshilik aıyppul salyndy.