Ushaqqa mýzyka aspabymen minerde qosymsha oryn alý kerek bolady

<p>ASTANA. KAZINFORM &ndash; Elimizdegi áýe kompanııasy jolaýshylar ushaqqa otyrar aldynda qol júgine qatysty neni eskerý kerek ekenin túsindirdi. Búgin elordada áýe kóligi taqyrybyna arnalǵan baspasóz máslıhatynda tilshiler áýe kompanııalarynyń basshylarynan &laquo;jolaýshylar ózimen birge alyp júrgen dombyraǵa qosymsha aqy tóleý kerek pe?&raquo; degen suraq qoıdy.&nbsp;</p>

Óz kezeginde Air Astana kompanııasynyń vıtse-prezıdenti Aleksandr Neboga ushaq ishindegi qol júgi jáshikterine keıbir zattardy salý múmkin emes ekenin aıtty.

«Ushaqpen kez kelgen zatty alyp júrýge kelmeıtinin bilesizder. Bul turǵyda qol júgi salynatyn jáshikterdiń kóleminde de, ondaǵy júk salmaǵynda da belgili bir shekteýler bar. Tıisti mýzykalyq aspaptardy tasymaldaýǵa ruqsat etiledi, ol úshin qosymsha oryn alý qajet. Bul jaǵdaı - negizinen barlyq avıakompanııada qabyldaǵan standartty álemdik tájirıbe», - dep túsindirdi A. Neboga. 

Onyń sózine qaraǵanda, eger qol júginiń kólemi ushaqtaǵy jáshikterge syıyp ketse, onda qosymsha tólem jasaýdyń qajeti joq. 

«Eger oǵan syımaı tursa, kez kelgen zatqa qosymsha oryn alý kerek», - dedi kompanııa ókili.

Eske salsaq, byltyr aıtysker aqyn Aısholpan Tileýtaı Fly Arystan ushaǵyna dombyrasyn alyp kirýge ruqsat berilmegenin áleýmettik jelidegi paraqshasynda jazǵan edi. Keıin Májilis depýtaty ushaqtarǵa ulttyq aspaptardy kirgizbeýge qatysty áýe kompanııalarynyń áreketin synǵa aldy.