Ushaq pen poıyz jolaýshylary arasynda koronavırýs juqtyrý jaǵdaılary bolǵan joq - Esmaǵambetova

NUR-SULTAN. QazAqparat - Elimizde ushaq pen poıyz jolaýshylary arasynda koronavırýs juqtyrý jaǵdaılary bolǵan joq. Bul týraly QR Bas memlekettik sanıtar dárigeri Aıjan Esmaǵambetova aıtty, dep habarlaıdy QazAqparat tilshisi.

«Búgingi kúni temir jol kóligimen nemese áýe reısterimen qatynaǵan jolaýshylardyń arasynda koronavırýs juqtyrý jaǵdaılary tirkelgen joq», - dedi Bas sanıtar dáriger Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Sonymen qatar ol poıyz jáne ushaq jolaýshylary arasynda vırýs juqtyryp almaýǵa qandaı organ baqylaý júrgizetindigin aıtyp berdi.

«Bizde Kóliktegi taýarlar men kórsetiletin qyzmetterdiń qaýipsizdik sapasyn baqylaý komıtetiniń aýmaqtyq departamentteri bar. Olar barlyq áýe tasymaldaýshylardyń qyzmetine baqylaý jasap, memlekettik shekara arqyly ótkizý oryndarynda sanıtarlyq-karantındik baqylaýdy júzege asyrady. Bul sharalardyń barlyǵy reglamenttelgen. Bul protseske qatysýshylardyń barlyǵy atalǵan reglamentti biledi», - dedi Bas memlekettik sanıtar dáriger.