Ushaq bortynda temeki shekken Germanııa azamatyna aıyppul salyndy
QR ІІM Kóliktegi polıtsııa departamenti bastyǵynyń birinshi orynbasary Qalıjan Qobylandın málim etkendeı, elorda áýejaıyndaǵy jelilik polıtsııa bólimine «Air Astana» áýe kompanııasynyń ókilinen Frankfýrt-Nur-Sultan baǵytyndaǵy áýe reısiniń bortynda quqyqbuzýshylyq bolǵany jóninde habar túsken.
Jolaýshy ushyp kelgennen keıin akt boıynsha kólik polıtsııasyna berildi.
«Tekserý barysynda polıtseıler ushý kezinde áýe kemesiniń dárethanasynda temeki shekken 58 jastaǵy Germanııa azamatynyń temeki shekkenin anyqtady. Er adamǵa qatysty QR Ákimshilik quqyqbuzýshylyq kodeksi 441-baby 1-2-bóligine (áýe kemesiniń bortynda temeki ónimderin tutyný) sáıkes hattama toltyrylyp, 50 AEK kóleminde aıyppul salyndy», - dedi polıtsııa polkovnıgi Q.Qobylandın.
Kóliktegi polıtsııa departamentiniń málimetine qaraǵanda, jyl basynan beri kólik saqshylary ákimshilik quqyqbuzýshylyqqa barǵan 12 687 adamdy jaýapkershilikke tartty. Sonyń 257-si belgilenbegen oryndarda shylym shekken.
Eske sala keteıik, budan buryn Almaty oblysynda jasyrylǵan qarý tabylǵanyn jazǵan bolatynbyz.