Ushaq bıleti bir jylda 17 paıyzǵa qymbattady

ASTANA. QazAqparat – Bir jylda áýe kóligimen saparlaý quny 17 paıyzǵa qymbattaǵan. Eki óńirde bılet baǵasy 50 paıyzdan astam deńgeıde ósti, dep habarlaıdy QazAqparat.

«2022 jylǵy jetoqsan aıynyń qorytyndysy boıynsha áýe kóligimen jolaýshylar tasymaly qyzmetiniń quny jyl ishinde 16,8 paıyzǵa ósti», - delingen Energyprom.kz málimetinde.

Óńirler turǵysynda Batys Qazaqstan oblysynda 67 paıyz, Abaı oblysynda 57,3 paıyz, Qostanaı oblysynda 43,2 paıyz ósim baıqaldy.

Qazaqstandaǵy óńirler arasynda tek Ulytaý (20,8 paıyzǵa) jáne Almaty (3,9 paıyzǵa) oblystarynda bılet arzandaǵan.

QR Indýstrııa jáne ınfraqurylymdyq damý mınıstrligi 2023 jyly halyqaralyq jańa reıster ashylatynyn habarlady. Osyǵan deıin koronavırýs indeti saldarynan birqatar reıster shektelgen bolatyn. Qazirgi ýaqyta ishki jolaýshylar tasymaly boıynsha burynǵy keste qalpyna keltirildi.

Sonymen qatar 108 baǵdar aıasynda 30 elge halyqaralyq reıster de qaıta qosyldy.

Budan buryn habarlanǵandaı, bıyl ashylatyn jańa halyqaralyq reısterdiń tizimi belgili boldy.