Ushaq apatynan Informburo.kz portalynyń jýrnalısi kóz jumdy

ALMATY. QazAqparat - «QazAqparat» HAA basshylyǵy men ujymy Informburo.kz ınternet portalynyń redaktsııasyna Bek Air ushaǵynda bolǵan shyǵarýshy redaktor Dana Krýglovanyń qaza bolýyna baılanysty kóńil aıtady.

Dana Krýglova 1984 jyly 8 sáýirde týǵan. E. Bóketov atyndaǵy Qaraǵandy memlekettik ýnıversıtetin jýrnalıstıka mamandyǵy boıynsha támamdaǵan.

Eńbek jolyn 2016 jyly Informburo.kz portalynda tilshi bolyp bastaǵan. 2019 jyldyń basynda shyǵarýshy redaktor bolyp aýysty.

Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty. Osy apatqa qatysty shuǵyl jeli iske qosylǵan.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.