Ushaq apatyna baılanysty shet elder Parlamentteriniń Spıkerleri kóńil aıtýda

NUR-SULTAN. QazAqparat - Májilis Tóraǵasy Nurlan Nyǵmatýlınniń atyna basqa elderdiń Parlamentterinen ushaq apatynan jolaýshylardyń qaza tabýyna baılanysty kóńil aıtý jedelhattary kelip túsýde, dep habarlaıdy QazAqparat.

«Armenııa Respýblıkasynyń Ulttyq Assambleıasy atynan jáne jeke óz atymnan «Bek Air» ushaǵynyń apatqa ushyraýynyń saldarynan jolaýshylardyń qaza bolýyna baılanysty qaıǵysyna ortaqtasyp kóńil aıtamyn», - delingen Armenııa Ulttyq Jınalysynyń Tóraǵasy Ararat Mırzoıannyń jedelhatynda.

Qyrǵyz Respýblıkasy Jogorký Kenesh Tóraǵasy Dastan Jumabekov te qazaqstandyq áriptesine kóńil aıtý jedelhatyn joldady.

«Reseı Federatsııasy Federaldy Jınalysy Memlekettik Dýmasynyń depýtattary atynan jáne óz atymnan Sizden qaza bolǵandardyń týystary men jaqyndaryna kóńil aıtý jáne qoldaý sózderimdi jetkizýlerińizdi suraımyn jáne zardap shekkenderdiń tezirek saýyǵyp ketýlerine tilektespin», - delingen Reseı Memlekettik Dýmasynyń Tóraǵasy Vıacheslav Volodınniń jedelhatynda.

Túrkııa Uly Ulttyq Májilisiniń Spıkeri Mýstafa Shentop túrik halqy baýyrlas Qazaqstan halqymen orny tolmas aýyr qaıǵy-qasiretti bólisetinin atap ótti.

Májilis Spıkerine joldanǵan jedelhattar kelýdi jalǵastyrýda.