Ushaq apaty: Qara jáshiktegi málimetterdi tarqatý úshin gollandyq sarapshy keldi
«Qazirgi ýaqytta birneshe halyqaralyq sarapshy keldi. Qara jáshik alynyp, áýe apattaryn tergeý jónindegi halyqaralyq uıymǵa jiberildi. Sonymen qatar Nıderlandydan shyǵarýshy zaýyt ókilderi de kelgen bolatyn», - dedi mınıstr Úkimet otyrysynan keıin BAQ ókilderine bergen suhbatynda.
Ushaq apatynyń negizgi 3 nusqasyn aıtqan mınıstr oqıǵanyń shynaıy sebebin naqty ataý úshin ýaqyt qajet ekenin de eskertip ótti.
«Áýe kemesi tehnıkalyq turǵyda óte kúrdeli ekenin ózderińiz de jaqsy bilesizder. Sondyqtan qysqa ǵana ýaqyttyń ishinde nátıje kútý, apattyń sebepteri týraly aıtý múmkin emes. Sol sebepti birqatar keshendi tehnıkalyq saraptama taǵaıyndalyp otyr» - dedi ol.
Onyń túsindirýinshe, órt-tehnıkalyq, avıatsııalyq jáne medıtsınalyq saraptamalar júrgiziledi.
«Osy saraptamalardyń qorytyndysy boıynsha atalǵan áýe kemesinde qandaı jaǵdaı oryn alǵanyna baǵa beriledi. Ázirshe baby sol kúıinde qalyp otyr. Ol - QR Qylmystyq kodeksiniń 344-babynyń 3 tarmaǵy», - dedi Erlan Turǵymbaev.