Ushaq apaty: Aýyl turǵyndary qutqarýshylarǵa ystyq tamaq berýde
16:17, 27 Jeltoqsan 2019
ALMATY. QazAqparat – Ushaq qulaǵan jerde jumys istep jatqan adamdarǵa aýyl turǵyndary ystyq tamaq berýde, dep habarlaıdy QazAqparat tilshisi.
Áleýmettik jelide Gúldala aýyl turǵyndarynyń qazanǵa tamaq jasap, samaýyrynǵa sháı qaınatyp jatqan vıdeosy paıda boldy.
Olar ushaq qulaǵan jerde jumys istep jatqan qutqarý qyzmetiniń mamandaryna ystyq tamaq uıymdastyrdy.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.