Ushaq apatynyń sebebin úkimettik komıssııa anyqtaıdy

<p>ASTANA. KAZINFORM &mdash; Úkimet qaýlysymen Aqtaý qalasy áýejaıy mańynda Az Airlines áýekompanııasynyń Embraıer 190 ushaǵynyń apatqa ushyraý sebebin tergeý jónindegi Úkimettik komıssııa quryldy. Tıisti Qaýlyǵa Premer-mınıstr Oljas Bektenov qol qoıdy. ​</p>

Komıssııa quramyna Premer-Mınıstrdiń orynbasary, Mańǵystaý oblysynyń ákimi, Tótenshe jaǵdaılar, Kólik, Syrtqy ister, Іshki ister, Eńbek jáne halyqty áleýmettik qorǵaý, Densaýlyq saqtaý mınıstrlikteriniń basshylyǵy, Bas kólik prokýrory kiredi. ​

Komıssııaǵa oqıǵa ornyna dereý ushyp ketý, ushaqtyń qulaý sebebin jan-jaqty tergeýdi qamtamasyz etý, qaza tapqandar men zardap shekkenderdiń otbasylaryna birinshi kezektegi kómekti kórsetý jóninde sharalar qabyldaý tapsyryldy.

Qazaqstan Úkimeti Ázerbaıjan Úkimetimen oqıǵanyń sebebine jan-jaqty tergeý júrgizý jáne birinshi kezektegi kómek kórsetý boıynsha yntymaqtastyq ornatady.

Aıta keteıik, Aqtaýda Azerbaijan Airlines ushaǵy apatqa ushyrady.

Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.

Apatqa ushyraǵan ushaq bortynda Qazaqstannyń 6 azamaty boldy.

QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.

QR Prezıdentiniń tapsyrmasymen Memlekettik komıssııa quryldy.