Ushaq apaty. Túrki memleketteri uıymy málimdeme jasady

<p>ASTANA. KAZINFORM — Túrki memleketteri uıymy Aqtaý mańyndaǵy ushaq apatynda qaza tapqandardyń otbasylaryna kóńil aıtty. Bul týraly <a href="https://azertag.az/ru/" target="_blank" rel="noopener">AZERTADJ</a> habarlady.</p>

— Qazaqstannyń Aqtaý qalasynyń mańynda «Ázerbaıjan Hava Iollary» kompanııasyna tıesili ushaq «Baký-Groznyı» baǵytyndaǵy reısti oryndaý barysynda apatqa ushyraǵany týraly habardy aýyr qabyldadyq. Qaza tapqandardyń otbasylaryna kóńil aıtamyz, jaralanǵandardyń tezirek saýyǵyp ketýin tileımiz. Bizdiń barlyq oı men duǵamyz osy qaıǵyly oqıǵadan zardap shekken baýyrlarymyzben birge. Osy qaıǵyly kezeńde biz zardap shekken barlyq memleketterdiń halyqtaryna shydamdylyq tileımiz jáne kóńil aıtamyz, — delingen Túrki memleketteri uıymynyń «Ázerbaıjan Hava Iollary» áýekompanııasyna tıesili ushaqtyń apatqa ushyraýyna qatysty málimdemesinde. 

Foto: AZERTADJ

Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady.

Buǵan deıin elimizdiń Tótenshe jaǵdaılar mınıstrligi Aqtaý qalasy mańyndaǵy áýe apatynan mert bolǵan otandastarymyzdyń aty-jónin jarııalady.

Sondaı-aq, ushaq apatynan qaza tapqan ázerbaıjandyqtardyń máıiti jaqyn arada elderine jiberiletini aıtyldy.