Ushaq apaty. Aýrýhanada jatqan qyrǵyzstandyqtar Otanyna tasymaldaýǵa daıyn

<p>ASTANA. KAZINFORM &mdash; Densaýlyq saqtaý mınıstrliginiń málimetinshe, búgingi tańda Mańǵystaý oblystyq kópbeıindi aýrýhanasynda 6 patsıent, onyń tórteýi reanımatsııa bólimshesinde, ekeýi travmatologııada emdelýde.</p>

Jaǵdaılarynyń nasharlaýy baıqalmaıdy, 2 patsıent tonıkter men medıtsınalyq sedatsııadan alyndy.

— Durys tańdalǵan qarqyndy terapııanyń arqasynda qyrǵyzstandyq patsıent travmatıkalyq shoktan keıin esin jıyp, týystaryn tanydy jáne qazir Otanyna tasymaldaýǵa daıyn. Búgin qyrǵyz dárigerleri bar áýe bortynyń kelýi kútilýde. Qyrǵyzstannyń taǵy eki azamatyn jáne Ázerbaıjannan zardap shekkenderdi erteń Otanyna arnaıy borttarmen evakýatsııalaý josparlanýda, — delingen mınıstrlik taratqan habarlamada.

Aqtaý qalasyndaǵy áýejaı mańynda jolaýshylar ushaǵynyń apatqa ushyraýy saldarynan zardap shekken 29 adamnyń 27-si Mańǵystaý oblystyq aýrýhanasyna jetkizilgen bolatyn.

Patsıentter ártúrli jaraqattarmen, negizinen birneshe zaqymdarmen kelip túsken bolatyn, bul jabyq mı jaraqaty, mıdyń shaıqalýy, keýde qýysynyń jabyq jaraqattary, travmatıkalyq shok. 

Keme apatynan keıin 10 mınýttyń ishinde zardap shekkenderge medıtsınalyq alǵashqy kómek kórsetý úshin Mańǵystaý oblysynyń 22 jedel medıtsınalyq járdem brıgadasy jáne Apattar medıtsınasy ortalyǵynyń 6 brıgadasy jiberilgen bolatyn.

Eske salsaq, 25 jeltoqsanda Aqtaý mańynda Azerbaijan Airlines ushaǵy apatqa ushyrady. Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty. Ókinishke qaraı, mert bolǵan jandardyń arasynda 6 Qazaqstan azamaty bolǵan.