Ushaq apaty. Bozymbaev zardap shekkenderge qor ashyp, aqsha jınaýdyń kerek emestigin aıtty

<p>ASTANA. KAZINFORM — Úkimet basshysynyń orynbasary Qanat Bozymbaev Aqtaý mańyndaǵy áýe apatynan zardap shekkender men qaıtys bolǵan jandardyń otbasylaryna kómek kórsetý maqsatynda qarjy jınaýǵa qatysty pikir aıtty.</p>

— Eshteńe kerek emes. Biz qazaqtar qonaqjaı, jaıdary halyqpyz, bárin ózimiz jasaımyz. Emdeý, tamaqtaný, kıindirý taǵy sol sııaqty, bári jaqsy bolady, — dep qysqa qaıyrdy Qanat Bozymbaev Aqtaýda ushaq apatyna qatysty ótken brıfıngide BAQ ókilderiniń saýalyna jaýap bere turyp.

Odan bólek, vıtse-premer Qanat Bozymbaev Aqtaý mańyndaǵy ushaq apatynyń sebebine qatysty túsinik berdi.

Sonymen qatar, Aqtaý mańyndaǵy ushaq qulaǵan jerden taǵy bir qara jáshik tabylǵany belgili boldy.

Aıta keteıik, Reseı men Ázerbaıjan ushaq apatyn zertteıtin krımınalıstıkalyq tergeýge jiberilmeıdi.