Ushaq apaty. Azerbaijan Airlines qaza tapqan otbasylarǵa qansha ótemaqy tóleıdi

<p>ASTANA. KAZINFORM &mdash; Azerbaijan Airlines áýekompanııasy Aqtaý mańyndaǵy áýe apatynan zardap shekkender men qaza tapqan jandardyń otbasyna ótemaqy tóleıdi.</p>

— Ázerbaıjan áýekompanııalary jabyq aktsıonerlik qoǵamy baqylaý keńesiniń sheshimi boıynsha Qazaqstan Respýblıkasynyń aýmaǵynda 2024 jylǵy 25 jeltoqsanda apatqa ushyraǵan Baký-Groznyı J2-8243 reısin oryndaǵan Embraer 190 ushaq apatynda zardap shekken jolaýshylardyń árqaısysyna 20 000 manat (shamamen 5 mln teńgeden astam), al qaza tapqan jandardyń otbasyna 40 000 manat mólsherinde ótemaqy taǵaıyndaldy (shamamen 11 mln teńgeden astam), — delingen áýekompanııanyń habarlamasynda.

Sonymen qatar, barlyq jolaýshy Ázerbaıjan Respýblıkasynyń zańnamasyna jáne ozyq halyqaralyq tájirıbege sáıkes qoldanylatyn tıisti saqtandyrý tólemin alady. 

Buǵan deıin Aqtaý mańyndaǵy ushaq apatynan qaıtys bolǵan qazaqstandyqtardyń otbasyna memlekettik qarjylaı qoldaý kórsetiletini týraly habarlaǵan edik.