Úsh jylda aýyldardy damytýǵa bıýdjetten 326 mlrd teńge bólindi

ASTANA. QazAqparat – 2019-2022 jyldary «Aýyl – el besigi» ulttyq jobasynyń aıasynda respýblıkalyq bıýdjetten 326 mlrd teńge bólinip, 3,7 myń joba iske asyrylǵan, dep habarlaıdy QazAqparat tilshisi.

Úkimet otyrsynda Ulttyq ekonomıka otyrysynda Álibek Qýantyrov osyndaı derek aıtty.

«2023 jylǵy 1 qańtardaǵy jaǵdaı boıynsha respýblıkada 6 293 aýyldyq eldi meken bar, onda 7,8 mln jýyq adam turady. «Aýyl-el besigi» jobasyn iske asyrý úshin eldegi aýyldardyń jalpy sanynan damý áleýeti joǵary, aýyl turǵyndarynyń 90% qamtylǵan 3,5 myń aýyldyq meken irikteldi. Bul aýyldardy damytý boıynsha jumys 2019 jyldan bastap «Aýyl-el besigi» jobasy sheńberinde josparly túrde basym tártippen júzege asyrylýda. 2019-2022 jyldary respýblıkalyq bıýdjetten 326 mlrd teńge bólinip, 3,7 myń joba iske asyryldy», - dedi mınıstr.

Bul qarajatqa 334 turǵyn úı-kommýnaldyq sharýashylyq obektisi salynǵan kórinedi.

«1,2 myń áleýmettik ınfraqurylym obektileri jáne 2,2 myń kólik ınfraqurylymy obektilerin jańadan salýǵa jáne jóndeýge múmkindik berdi, shamamen 30 myń jumys orny quryldy», - dedi Álibek Qýantyrov.