Úsh jylda Almatyda 17 medıtsınalyq mekeme, 71 mektep salynady

ALMATY. QazAqparat - Almatyda 2025 jylǵa deıin 17 medıtsınalyq mekeme men 71 mektep salynady. Bul týraly qalalyq máslıhat otyrysynda aıtyldy, dep habarlaıdy QazAqparat tilshisi.

2025 jyldyń sońyna deıin bıýdjet esebinen Naýryzbaı, Alataý, Medeý jáne Túrksib aýdandarynda qalanyń 170-190 myń turǵynyna qyzmet kórsetetin keminde 17 otbasylyq-dárigerlik ambýlatorııa men tolyqqandy emhana salynatyn bolady.

Bıýdjet esebinen 2025 jyldyń sońyna deıin 10 myń oryndyq balabaqsha paıdalanýǵa beriledi. Qurylys salýshylarmen jasalǵan memorandým boıynsha 2025 jyldyń sońyna deıin 10 myń orynǵa arnalǵan balabaqshalar salý qarastyrylǵan, 2030 jylǵa qaraı balabaqshalarda taǵy 5 myń oryn ashylady.

«2025 jyldyń sońyna deıin qalada 71 mektep salý josparda, onyń ishinde qala bıýdjeti esebinen – 23 mektep jáne qosalqy nysandar. Al qalǵandary jeke qarajat esebinen salynady, onyń ishinde qurylys salýshylarmen jasalǵan memorandýmdar aıasynda 16 mektep jáne qosalqy nysandar qarastyrylǵan», - dep habarlady ákimdikten.

Budan basqa, 2025 jyldyń sońyna deıin Alataý, Bostandyq, Naýryzbaı jáne Túrksib aýdandarynda qosymsha bilim berýdi damytý boıynsha 4 zamanaýı ortalyq ashylatyn bolady.