Úsh jyldyq bıýdjettegi teńge baǵamy nege qazirgi kórsetkishten tómen – mınıstrdiń jaýaby

<p>Teńgeniń dollarǵa shaqqandaǵy baǵamy 480 teńgeniń aınalasynda bolyp turǵanyna qaramastan, úsh jyldyq bıýdjette bul shama 460 teńge dep kórsetilgen. Úkimet otyrysynan keıin ótken brıfıngide <a href="Kazinform" target="_blank" rel="noopener">Kazinform</a> tilshisi Ulttyq ekonomıka mınıstri Álibek Qýantyrovtan osynyń sebebin surady.&nbsp;</p>

«Birinishden, búginde teńge baǵamy 480 teńgege jetti. Ulttyq bank tóraǵasynyń orynbasary óz baıandamasynda teńge baǵamy jyl basynda 469 bolǵanyn aıtty. Biz teńge baǵamy turaqty bolady dep boljap otyrmyz», - dedi mınıstr. 

Sondaı-aq ol teńge baǵamynyń bir jyldaǵy qubylý dálizi úsh jyldaǵy dálizden ózgeshe bolatynyn aıtty. 

«Mysaly, byltyr bir dollarǵa shaqqandaǵy teńge baǵamy 500-ge deıin bardy. Sonyń ózinde Úkimet teńgeniń nyǵaıatynyn boljady. Bul joly da sondaı jaǵdaı bolady. Jalpy teńge erkin aǵysqa jiberilgen. Al bıýdjet salasynda baǵa sál konservatıvti deńgeıin saqtap tur. Investorlarǵa da, halyqqa da turaqty bolatyny týraly belgi tastap otyrmyz. Teńge baǵamy biz kútkennen tómen bolsa, qosymsha túsimder paıda bolady», - dedi Álibek Qýantyrov.

Ol sonymen qatar aldaǵy úsh jylda teńge baǵamy 460 teńgeden tómen de, joǵary da bolýy múmkin ekenin atap ótti.