Úsh ret usynylsa da Keńes odaǵynyń batyry ataǵy buıyrmaǵan Aleksandr Nesmııanov
Ekinshi dúnıejúzilik soǵys kezinde 126-shy Gorlovka Qyzyltýly atqyshtar dıvızııasy 690-shy atqyshtar polki 1-shi atqyshtar batalonynyń komandıri bolǵan Aleksandr Aleksandrovıch 1912 jyly dúnıege kelgen. Biraq, qaıtys bolǵan jyly men kúni belgisiz.
Aleksandr Aleksandrovıch Keńes odaǵynyń batyry ataǵyna úsh ret usynylǵan. Alaıda, oǵan batyr ataǵy buıyrmady. 1943 jyldyń 3 qarashasynda kapıtan Nesmııanov boraǵan oqqa qaramastan batalonyn shabýylǵa shyǵaryp, Túrik jotasyn jaýdan azat etedi. Osy keskilesken urysta 13 nemistiń kózin joıady. Osy erligi úshin 1943 jyly 7 qarashada Keńes odaǵynyń batyry ataǵyna usynylǵanymen 3-dárejeli Kýtýzov ordenimen marapattalady.
Al 1944 jyldyń 8 sáýirinde onyń batalony Armıansk qalasy úshin jan alyp, jan berisken maıdanǵa aralasyp, shahardy basqynshylardan azat etedi. Urys barysynda jaraqat alǵanyna qaramastan ol shabýylǵa shyqqan nemistiń 12 tankisiniń jolyna tosqaýyl qoıady. Qalany jaý qolynan azat etkeni úshin Nesmııanov 1944 jyldyń 20 sáýirinde taǵy da Keńes odaǵynyń batyry ataǵyna usynylady. Bul joly da Qyzyl tý ordenin ǵana alady.
1944 jyldyń 9 qazanynda Nesmııanov batalony ıÝra ózeni jaǵalaýyna bekingen jaýǵa urys ashady. 10 qazanda tań ata keńes áskeri jaýdy bekinisten qýyp shyǵady. Sonymen qatar onyń batalony Shyǵys Prýssııa shekarasyn birinshi bolyp kesip ótip, Shamaı Kemen temirjol stansasyn basyp alady. 2 eshelon, azyq-túlik pen zat tıelgen 300 den astam kólikti qolǵa túsiredi. Dál osy urys barysynda Nesmııanov jalǵyz ózi 32 nemisti tutqynǵa alady. Al sol jyldyń 11 qazanynda Nesmııanov batalony Ogeln aýdanyna jaýdan tazartyp, 160 nemis jaýyngerin jáne 28 atys núktesiniń kózin qurtady. Osy erlikteri úshin ol 1944 jyly 11 qazanda úshinshi ret Keńes odaǵynyń batyry ataǵyna usynylady. Alaıda, bul joly da ol Aleksandr nevskıı ordenimen ǵana marapattalady.