Úsh ret saýdaǵa túsken Qostanaı áýejaıy nege satylmaı jatyr

<p>ASTANA. KAZINFORM &ndash; Qostanaıdyń áýejaıy 2020 jyldan beri úsh ret saýdaǵa qoıylyp, satylmaı qalǵan. Іstiń mán-jaıyn oblys ákimi Qumar Aqsaqalov túsindirdi.</p>

- Áýejaı 2020 jyly jekeshelendirý josparyna engizildi. Sodan beri úsh ret saýdaǵa tústi, sońǵy saýda osydan birer kún buryn ótti. Biraq saýda bolmady, endi áýejaı kommýnaldyq menshikte qalady, budan bylaı saýdaǵa shyǵarylmaıdy. Áýejaıdyń jaǵdaıyna keler bolsaq, jańǵyrtý boıynsha aýqymdy jumys isteldi. Ótken jyly ushaqtyń kólemine, túrine baılanysty qosymsha turaq oryndary ashyldy, qazir ekiden jeti ushaqqa deıin turaqqa qoıýǵa bolady. Sonymen qatar, áýejaıdyń aýmaǵy 30%-ǵa ulǵaıdy. Osylaısha zamanaýı ushý jáne qoný zaly uıymdastyryldy, - dep jaýap berdi Qumar Aqsaqalov óńirdiń áleýmettik-ekonomıkalyq damýy týraly esep berý barysynda BAQ ókilderiniń saýalyna jaýap berip.

Osylaısha, ákim qalalyq áýejaıdan áldeqaıda jańarǵanyn aıtyp otyr.

- Buqaralyq aqparat quraldary biraz jyldar buryn áýejaıdyń nashar jaǵdaıy týraly jazdy, fotosýretterdi kórsetti, ekinshi qabatqa kóteriletin baspaldaqtyń qabyrǵaǵa tirelgen sáti de taraldy. Aldaǵy ýaqytta 800 sharshy metr halyqaralyq ushýlardyń tolyqqandy zaly bolý úshin qalpyna keltiriledi. Bul baǵyttaǵy jumysty jalǵastyramyz, kelesi jyly aıaqtaımyz dep úmittenemin, - dep qorytyndylady óńir basshysy.

Buǵan deıin habarlaǵanymyzdaı kelesi jyly Qostanaıda koreıalyq KIA kóligin shyǵara bastaıdy. 

Aıta keteıik, Qostanaı oblysynda elimizdiń ońtústik óńirlerinen soltústikke kóshý baǵdarlamasynyń arqasynda dárigerler tapshylyǵy azaıdy.