Úsh óńirde fermerlerge elektrondy formatta nesıe berý jobasy engizildi

<p>ASTANA. KAZINFORM - Úsh óńirde fermerlerdi elektrondy formatta nesıeleý boıynsha "Aýyl amanaty" pılottyq jobasy engizildi, dep habarlaıdy QR AShM baspasóz qyzmeti.&nbsp;</p>

Úkimettiń tapsyrmasy boıynsha Qazaqstannyń úsh óńirinde "Aýyl amanaty" atty elektrondyq formatta aýyl turǵyndaryna nesıe berý boıynsha pılottyq joba bastaldy. Buǵan deıin aýyl turǵyndaryna nesıeberý "Qoldaý" platformasy arqyly aqyly júrgizildi.

Budan basqa, mal sharýashylyǵyn qadaǵalaý bóliginde aýyl sharýashylyǵy janýarlaryn birdeılendirý bazasyna 6 qosymsha servıs qosyldy, bul mal sharýashylyǵy salasynda "týǵannan soıýǵa deıin" tolyq qadaǵalaýdy qamtamasyz etedi.

Osylaısha, elektrondy formatta janýarǵa jeke nómir tirkeýge jáne berýge, profılaktıkalyq sharalar júrgizýge, janýardyń qozǵalý protsesin jáne karantınde bolýyn kórýge, janýarlardy soıýǵa jiberýge bolady. Qazirgi ýaqytta veterınarııa men baqylaý jumystaryna kómektesetin qyzmetter engizilýde.

AShM "Azamattarǵa arnalǵan úkimet" KEAQ-da biryńǵaı kólik bazasyn biriktirýge jáne qurýǵa qol jetkizdi. Qazirgi ýaqytta Almaty oblysynda pılottyq joba júrgizilýde, onda aýyl sharýashylyǵy tehnıkasy boıynsha mámileler ákimdikterde emes, «Biryńǵaı tereze» sheńberinde arnaıy HQKO-da júrgiziledi.