Úsh oblysta halyqqa usynylatyn saýda alańdarynyń kólemi qysqarmaq

ASTANA. QazAqparat – QR Saýda jáne ıntegratsııa mınıstrligi «Halyqty saýda alańymen qamtamasyz etýdiń eń tómen normatıvterin bekitý týraly» buıryqqa ózgeris engizbek. Tıisti qujat «Ashyq» NQA portalynda jarııalandy, dep habarlaıdy QazAqparat tilshisi.

Atap aıtqanda, buıryqtyń jańa redaktsııasyna sáıkes, keıbir oblystardyń halqyna usynylatyn saýda alańdarynyń kólemi qysqarady.

Máselen, qoldanystaǵy tártip boıynsha Almaty oblysynda 1 myń adamǵa 403 sharshy metr jer beriletin bolsa, endi ol 220 sharshy metr bolmaq. Al Qarǵandyda bul mólsher 570 sharshy metr bolǵan edi. Ózgeriske saı, ol aldaǵy ýaqytta 454 sharshy metr bolyp bekitilýi yqtımal. Shyǵys Qazaqstan oblysynda buǵan deıin 1 myń adamǵa usynylatyn eń tómengi saýda alańy 594 sharshy metr bolǵan. Ol endi 521 sharshy metr bolyp qysqarady.

Buıryqtyń túsindirmesinde kórsetilgendeı, atalǵan óńirlerde beriletin saýda alańdary kóleminiń azaıýy jańadan qurylǵan 3 oblysqa qosymsha aýmaqtardy bólýmen baılanysty. ıAǵnı, qyrqarǵan saýda alańdarynyń esebinen sáıkes aýmaqtar Abaı, Jetisý jáne Ulytaý oblystaryna berilmek.

Buıryq 23 qańtarǵa deıin ashyq talqylaýda bolady.