Úsh myńnan astam salymshyny aldap soqqan «Sax Invest» qarjy pıramıdasyn qurǵandardyń biri ustaldy

<p>ASTANA. KAZINFORM &ndash; Astanadaǵy &laquo;Sax Invest&raquo; qarjy (ınvestıtsııalyq) pıramıdasyn qurý jáne basqarý faktisi boıynsha adamdar tobyna qatysty sotqa deıingi tergep-tekserýdi Qarjylyq monıtorıng agenttigi júrgizip jatyr. Bul týraly agenttiktiń baspasóz qyzmeti málim etti.</p>

Kompanııa ózin ınvestıtsııalyq qor retinde tanystyrǵan, biraq ýáde etilgen dıvıdendter (aı saıyn 2-3% — dan) qatysýshylarǵa jańa salymshylardan qarajat tartý arqyly ǵana tólengen. Azamattarǵa brokerlik qyzmet kórsetý, baǵaly qaǵazdar naryǵyndaǵy saýda jáne Angola Respýblıkasynda (Afrıka) almaz óndirý jobasyna ınvestıtsııalaý boıynsha qyzmetterdi oryndaýǵa sendire otyryp, qarajattaryn senimgerlik basqarýǵa berý usynylǵan.

«Sax Invest» resmı saıtynda tirkelý jáne jeke kabınetke kirý úshin joba klıentinen silteme alý qajet, ıaǵnı jobaǵa kirý shaqyrý-silteme arqyly ǵana júzege asyrylǵan.

«Bonýstar jańa salymshylar tartylǵan jaǵdaıda ósken, olardy keıinnen kompanııa júıesi ishinde basqa tulǵaǵa aýdarý arqyly qolma-qol aqshaǵa aınaldyrýǵa bolatynyn aıtqan», — delingen agenttik habarlamasynda.

Salymshylardyń barlyq aqshalaı qarajattary kompanııanyń banktik shotyna emes, uıymdastyrýshynyń jeke banktik kartasyna aýdarylǵan. 2018 jylǵy qańtardan bastap 2022 jylǵa deıingi kezeńde kompanııadaǵy aqsha aınalymy 18 mln AQSh dollaryna (9 mlrd teńgege jýyq) jetip, 3 000-nan astam salymshyny quraǵan. «Sax Invest» qarjy pıramıdasyn uıymdastyrýshylarynyń biri ustalyp, ýaqytsha ustaý ızolıatoryna qamaldy. Sotqa deıingi tergeý jalǵasýda. QPK-niń 201-babynyń talaptaryna sáıkes sotqa deıingi tergep-tekserýdiń ózge de derekteri tergeý múddesinde jarııa etilýge jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi, — dep habarlady QMA.

Jyl basynan beri qarjy pıramıdalarynyń qyzmetin uıymdastyrǵany jáne jarnamalaǵany úshin, 35 adam múlki tárkilenip, 2 jyldan 6 jylǵa deıingi merzimge sottaldy.