Úsh mınıstrlikte jańa vıtse-mınıstrler taǵaıyndaldy

<p>ASTANA. KAZINFORM &ndash; Qazaqstan Úkimetiniń qaýlysymen Qýandyq Qajkenov Ónerkásip jáne qurylys vıtse-mınıstri, Batyrbek Ábdishev Tótenshe jaǵdaılar vıtse-mınıstri, Rostıslav Konıashkın Tsıfrlyq damý, ınnovatsııalar jáne aeroǵarysh ónerkásibi vıtse-mınıstri bolyp taǵaıyndaldy. Bul týraly Úkimettiń Baspasóz qyzmeti habarlady.</p>

Qýandyq Jumabekuly Qajkenov

1984 jyly Kókshetaý oblysynda dúnıege kelgen. S. Seıfýllın atyndaǵy Qazaq agrarlyq ýnıversıtetin, «Kókshe» Akademııasyn bitirgen.

Eńbek jolyn 2006 jyly jeke kompanııada ınjener-elektrık bolyp bastaǵan.

2008-2009 jyldary – ǵylymı-tehnıkalyq ortalyqta ınjener-jobalaýshy.

2009 jyldan beri «Memsaraptama» RMK qurylymynda qyzmet etti.

2021 jyldan bastap qazirgi ýaqytqa deıin – «Memsaraptama» RMK bas dırektory.

Batyrbek Qadyrbekuly Ábdishev

1977 jyly Aqtóbe oblysynda dúnıege kelgen. QR Qarýly Kúshteriniń Joǵarǵy shekara-komandalyq ýchılışesin bitirgen.

Túrli jyldary arnaıy memlekettik organdarda, onyń ishinde Ulttyq qaýipsizdik komıtetinde qyzmet etken.

Rostıslav Anatolevıch Konıashkın 

Foto: Mýhtor Holdorbekov/Kazinform

1989 jyly Taraz qalasynda dúnıege kelgen. M.V.Lomonosov atyndaǵy Máskeý memlekettik ýnıversıtetin, L.N.Gýmılev atyndaǵy Eýrazııa ulttyq ýnıversıtetin bitirgen. Prezıdenttik jastar kadrlyq rezerviniń múshesi.

Eńbek jolyn 2011 jyly jeke uıymda keńesshi bolyp bastaǵan.

Túrli jyldary aqparattyq-kommýnıkatsııalyq salada, «Azamattarǵa arnalǵan úkimet» QEAQ, Jasandy ıntellekt salasyndaǵy zertteýler men ázirlemelerdi qoldaý qorynda jumys istegen.

2021 jyldan beri qazirgi ýaqytqa deıin – «Ulttyq aqparattyq tehnologııalar» AQ basqarmasynyń tóraǵasy.