Úsh myń teńge qaryzy bar qazaqstandyqtyń bankrot dep jarııalanǵany ras pa

<p>ASTANA. KAZINFORM &ndash; Birer kún buryn 2 978 teńge qaryzy bar azamattyń bankrot dep jarııalanǵany týraly habar taraǵan edi. Atameken Business telearnasynyń efırinde dármensiz boryshkerlermen jumys jónindegi basqarma basshysynyń orynbasary Aınara Rahmetova atalǵan jaıtqa túsinik berdi.</p>

«Bul — jalǵan aqparat. Biz atalǵan azamatty bankrot dep tanyǵan kezde onyń qaryzy 1 mln 473,3 myń teńge bolǵan. 2020 jyldyń 3 naýryzynan bastap azamattardy bankrot dep taný týraly 80 953 ótinish kelip tústi, onyń 79% krıterııge sáıkes kelmeıtini týraly habarlama jiberdik», — dep túsindirdi Aınara Rahmetova efır barysynda.

Eske sala keteıik, nebary 2 978 teńge qaryzy bar qazaqstandyq bankrot dep jarııalanǵanyn habarlaǵan edik.  

Aıta keteıik, aqparatty Birinshi kredıt bıýrosy taratqan bolatyn.