Úsh kúnnen beri sýsyz otyr: Aqtaýda turǵyndar joldy jaýyp, aýyz sý berýdi talap etti

<p>AQTAÝ. KAZINFORM &ndash; Búgin saǵat 19.20-da Aqtaý qalasyndaǵy 19-shaǵyn aýdanda 23-úıdiń janyna turǵyndar jınalyp, 3 kúnnen beri aýyz sýsyz otyrǵandaryna shaǵymdandy.&nbsp;</p>

Turǵyndarmen kezdesýge Aqtaý qalasynyń ákimi Ulyqbek Tnálıev keldi. Sondaı-aq turǵyn úı ınspektsııasy bólimi, turǵyn úı-kommýnaldyq sharýashylyq bóliminiń qyzmetkerleri, jáne «Kaspıı jylý, sý arnasy» mekemesiniń basshylyǵy kelip, aýyz sýǵa qatysty jaǵdaıdy túsindirdi.

Olardyń aıtýynsha, búgin «Kaspıı jylý, sý arnasy» mekemesi aýyz sýdyń kóp shyǵynyna baılanysty qysymdy saǵat 19.00-ge deıin ýaqytsha tómendetken.

Ýákiletti tulǵalar tarapynan júrgizilgen túsindirý jumystarynan keıin turǵyndar úılerine tarady. 

Eske salsaq, buǵan deıin Mańǵystaýda aýyz sý tapshylyǵyn boldyrmaý úshin 7 joba iske asyrylatynyn jazǵan edik.