Úsh kún boıy jel soqpaǵan Óskemen qalasyn tútin basyp tur

<p>ÓSKEMEN. KAZINFORM &ndash; Óskemende 7 jeltoqsanda taǵy da qaıtadan qolaısyz meteorologııalyq jaǵdaı qalyptasady. Qalada jel soqpaı turǵanyna úsh kún boldy.&nbsp;</p>

— Búgin saǵat 20.00-den bastap 7 jeltoqsan 20.00-ge deıin Óskemende ekinshi dáreje týraly eskertý jarııalandy, - dep habarlady «Qazgıdromet» RMK-dan.

Osymen jel soqpaı, qala kóshelerin tútin tumshalap turǵanyna – úshinshi kún. Onyń aldynda 20 qarashada bastalǵan qolaısyz meteorologııalyq jaǵdaı 2 jeltoqsanǵa deıin sozylǵan bolatyn. 

Óskemendikter jelsiz kúnderi kóshege shyqqanda qatty jótelip, bastary aýyryp, tamaqtary kúıip, júrekteri aınyǵanyn aıtyp shaǵymdanyp keledi. Dárigerler qolaısyz meteorologııalyq jaǵdaı qalyptasqan kúnderi halyqqa dalada kóp júrmeýge keńes berdi. 

Eske salsaq, osyǵan deıin Óskemen qalasynda ekologııalyq jaǵdaıdy jaqsartýǵa qosymsha qarjy bólinetini habarlanǵan.