Úsh kezeńdik tekserý — 2025 jyldan bastap onlaın mıkrokredıt rásimdeý talaptary kúsheıtiletin boldy

<p>ASTANA. KAZINFORM &mdash; 2025 jyldan bastap Qazaqstanda onlaın mıkrokredıt rásimdeý kezinde qaýipsizdik talaptary kúsheıtiletin boldy. Bul týraly Ulttyq bank tóraǵasy Tımýr Súleımenov depýtattyq saýalǵa bergen jaýabynda málimdedi.</p>

Ulttyq bank basshysynyń aıtýynsha, keler jyldan bastap onlaın mıkrokredıt rásimdeý kezinde bıometrııalyq sáıkestendirý men elektrondyq tsıfrlyq qoltańbany qatar qoldaný mindetti bolady. 

«Onlaın mıkroqaryzdardy resimdeý kezinde 2025 jylǵy 1 qańtardan bastap bıometrııalyq sáıkestendirýdi, sol sııaqty elektrondyq tsıfrlyq qoltańbany (ETsQ) da bir mezgilde mindetti túrde qoldaný talaby engiziledi. Sondaı-aq, mıkroqarjy uıymdary (MQU) úshin klıent aqsha aýdarǵanǵa deıin oǵan banktik shottyń nemese tólem kartasynyń tıesiligin sáıkestendirý talap etiledi»,- delingen jaýapta.

Budan basqa, bankter tólemder men aýdarymdardy júzege asyrý barysynda klıenttiń mobıldi nómirine tekserý kodyn jiberedi. Osylaısha, klıentti úsh faktorly tekserý júzege asyrylady.

Sonymen qosa, Qarjy naryǵyn retteý jáne damytý agenttigi bankterge onlaın kredıtter resimdegen kezde ótinim berilgennen keıin kelesi kúnnen keshiktirmeı ony maquldaýǵa keńes berdi, osylaısha klıent ózine alaıaqtar májbúrlep bergen kredıtten bas tarta alatyn «sheshimdi ózgertý» kezeńi engiziledi.

Ulttyq bank basshysy azamattardyń nesıe alýdan óz erkimen bas tartý quqyǵy bar ekenin eske saldy. Qazirgi tańda bul múmkindikti shamamen 700 myń qazaqstandyq paıdalandy.