Úsh qazaqstandyq jas tennısshi Tegerandaǵy týrnırdiń shırek fınalyna ótti

ASTANA. QazAqparat – Iran astanasy Tegeranda 18 jasqa deıingiler arasynda ITF Juniors J100 TEHRAN serııasy boıynsha ekinshi týrnır ótip jatyr, dep habarlaıdy QazAqparat tilshisi.

Qazaqstan tennıs federatsııasynyń baspasóz qyzmetinen málim etkenindeı, Danıal Rahmatýllaev (284 ITF Juniors), Danır Qaldybekov (403 ITF Juniors) jáne Zańǵar Nurlanuly (637 ITF Juniors) bastapqy kezdesýlerin sátti ótkizip, shırek fınalǵa shyqty.

Ekinshi aınalymda reseılik Danııl Ryjınkov básekeni jalǵastyrýdan bas tartqandyqtan, jeńis D. Qaldybekovke berildi.

Z. Nurlanuly túrkııalyq Chem Kýchýhýseınnen basym tústi – 6:4, 7:6. Al, D. taǵy bir túrkııalyq Melıh Anavatandy bet qaratpaı utty – 6:0, 6:0.

Qazaqstandyqtar juptyq synda da tabysty óner kórsetip jatyr. Jaqas Qozybaq, Zańǵar Nurlanuly, Danır Qaldybekov jáne Danıal Rahmatýllaev jartylaı fınalǵa ótti.

Eske sala keteıik, budan buryn Ýımbldonda ıÝlııa Pýtıntsevanyń qarsylasyna jol bergenin jazǵan bolatynbyz.

Tımofeı Skatov Germanııadaǵy týrnırdiń shırek fınalyna shyqty.

Sondaı-aq, Ýımbldonda Elena Rybakınanyń ekinshi qarsylasy anyqtaldy.