Úsh qazaqstandyq tennısshi juptyq synda Astanadaǵy týrnırdiń shırek fınalyna shyqty

ASTANA. QazAqparat – Qazaqstandyqtar Anna Danılına, Jibek Qulambaeva jáne Gózal Aınıtdınova juptyq synda Astanada ótip jatqan ITF World Tennis Tour «BeeTV 40 Women's» týrnıriniń shırek fınalyna shyqty, dep habarlaıdy QazAqparat tilshisi.

Qazaqstannyń juptyq syndaǵy birinshi raketkasy Anna Danılına úshin alǵashqy oıyn ońaıǵa túsken joq.

Jarystyń birinshi raketkalary bolyp tirkelgen A.Danılına Belarýs ókili Irına Shımanovıchpen birge úsh setke sozylǵan tartysty básekede ındonezııalyq Djessı Rompıs – gonkongtyq Hong ıÝ Vondy tize búktirdi – 6:3, 2:6, 11:9.

Shırek fınalda qazaqstandyq-belorýssııalyq jup taılyqtar Lýksıka Kýmhým – Peangtarn Plıpýekpen kezdesedi.

Jibek Qulambaeva polıak Martına Kýbkamen birge ózbekstandyq Nıgına Abdýraımova – grýzııalyq Ekaterına Gorgodzeden basym tústi – 7:5, 4:6, 10:7. Olar jartylaı fınalǵa shyǵý úshin dodanyń ekinshi raketkalary, ońtústikkoreıalyqtar Na Le Han – Sý Djon Chanmen talasady.

Taǵy bir qazaqstandyq Gózal Aınıtdınova reseılik Ekaterına Maklakovamen birge reseılikter Ekaterına Makarova – Anastasııa Zaharovany súrindirdi – 6:3, 6:4. Olardyń shırek fınaldaǵy qarsylastary – reseılikter Vıktorııa Dıachenko – Anastasııa Tıhonova. V.Dıachenko – A.Tıhonova juby bastapqy básekesinde qazaqstandyq jastar Asyljan Arystanbekova – Aııa Nupbaıdy jeńdi – 6:4, 7:6 (7:3).

Eske sala keteıik, budan buryn 14 jasar qazaqstandyq tennısshiniń ITF týrnırindegi alǵashqy kezdesýin ótkizgenin jazǵan bolatynbyz.