Úsh kásipker «Adal azamat» syılyǵymen marapattaldy

<p>ASTANA. KAZINFORM &ndash; Elordada ótken &laquo;Adal azamat. Adal eńbek. Adal bıznes&raquo; forýmynda úsh kásipker &laquo;Adal azamat&raquo; syılyǵymen marapattaldy.</p>

«Adal azamat» syılyǵy ekologııany qorǵaýǵa belsene atsalysqan, ESG-tájirıbelerin engizýge eleýli úles qosqan jáne osy jyldyń kókteminde bolǵan sý tasqyny kezinde áleýmettik jaýapkershilik tanytqan kásipkerlerge berildi. Atap aıtqanda, «EKO-DUMP» JShS dırektory Ábisheva Márııam Serikqyzy, «Abaı Daýlet» JShS basshysy Sársenbaev Murat Abaıuly, «Express Stroy Group (ESG)» JShS basshysy Sandybaev Danııar Alshymuly bul syılyqqa laıyq dep tanyldy. 

Aqmola oblysynda ornalasqan «EKO-DUMP» JShS zııansyz qaldyqtardy jınaý, organıkalyq qaldyqtardy óńdeýmen aınalysady. 

Qyzylorda oblysynda ornalasqan «Abaı Daýlet» JShS — aýyl sharýashylyǵy ónimderin óndirý jáne qurylys taýarlaryn shyǵarýmen aınalysatyn kópsalaly kásiporyn.

Al, Mańǵystaý oblysynda ornalasqan «Express Stroy Group (ESG)» JShS óndiristik qurylys salasyndaǵy joǵary sapadaǵy ári tıimdi jobalardy júzege asyrýǵa baǵyttalǵan kompanııalardyń toby.

Marapat ıelerine tabystalǵan estelik músinshe aldaǵy ýaqytta QR Prezıdentiniń «Altyn sapa» syılyǵy tabystalatyn arnaıy baıqaýdyń «Adal azamat» dep atalatyn jeke nomınatsııasynda beriletini atalyp ótti. 

Forým barysynda Premer-Mınıstr elge janashyrlyq tanytqan kásipkerlerge alǵys aıtty. 

Sondaı-aq elimizde otandyq taýarlardyń jáne taýar óndirýshilerdiń biryńǵaı ashyq reestri ázirlenip jatqanyn málimdedi. 

Odan bólek, ázirlenip jatqan «Energetıkalyq jáne kommýnaldyq sektordy jańǵyrtý» ulttyq jobasy aıasynda TÚKSh salasyna 10 trıllıon teńge ınvestıtsııa tartylatynyn atap ótti.