Úsh qalada terrorızmdi nasıhattap, qarjylandyrǵan dinı radıkaldar ustaldy — UQK

<p>ASTANA. KAZINFORM&nbsp;&mdash; Ulttyq qaýipsizdik komıteti 20 jáne 24 qańtarda prokýratýra jáne polıtsııa járdemimen Astana, Shymkent qalalarynda jáne Aqtóbe oblysynda dinı radıkaldar áreketiniń jolyn kesý úshin operatsııa ótkizdi.</p>

Jedel qyzmetkerler terrorızmdi nasıhattady jáne qarjylandyrdy degen kúdikpen úsh adamdy ustap, qamaýǵa aldy.

QR Qylmystyq kodeksiniń 256-baby 2-bóligi jáne 258-baby 1-bóligi boıynsha sotqa deıingi tergep-tekserý bastaldy.

Qazirgi ýaqytta osy isterdiń barlyq mán-jaıyn anyqtaý úshin jedel jáne tergeý sharalary júrip jatyr. 

Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.