Úsh býyndy sot júıesine kóshý daýlardy jedel sheshýge múmkindik beredi - A.Jumaǵulov

ASTANA. QazAqparat - Úsh býyndy sot júıesine kóshý daýlardy jedel sheshýge múmkindik beredi. Bul pikirdi «Ult jospary: Memleket basshysynyń bes ınstıtýtsıonaldyq reformasyn iske asyrý boıynsha 100 qadam. Zań ústemdigin qamtamasyz etý boıynsha ınstıtýtsıonaldyq reforma» atty dóńgelek ústelde Astana qalalyq ekonomıkalyq sotynyń tóraǵasy Aqan Jumaǵulov bildirdi.

«Búginde zań ústemdigin jáne ádil sottyń azamattarǵa qoljetimdiligin qamtamasyz etetin bizdiń júıeniń reformasy josparlanýda. Negizgi baǵyttardyń biri - bes býyndy sot júıesinen úsh býyndyǵa kóshý. Bul birinshi kezekte, daýlardy jedel sheshýge múmkindik beredi. Budan buryn talaparyz birinshi ıstantsııada, sosyn apellıatsııalyq, sosyn oblystyq sotta kassatsııalyq, sosyn Joǵarǵy sottyń qadaǵalaý ınstantsııalaryna berilip, is taǵy da qaralatyn. Al endi jańa reformaǵa sáıkes kez kelgen daý qysqa merzimde óziniń sońǵy sheshimin tabatyn bolady», - dedi A.Jumaǵulov.

Sondaı-aq ol Memleket basshysynyń kadr irikteý júıesin ózgertý boıynsha talabyn atap ótti. «Qazir sot júıesinde kadr irikteý qatań tártippen júzege asady. Buryn sýdıa bolý quqyǵy 25 jastan bastalsa, qazir ony 30 jasqa ózgertý josparlanýda. Úmitker bir jyl taǵylymdamadan, synaq merziminen ótedi», - dep qosty ol.