Úsh bank, ýnıversıtet, áýejaı: Almatyda birden alty ǵımaratqa «bomba qoıyldy»

ALMATY. QazAqparat – Almaty qalasynyń polıtsııasyna birden alty nysanǵa bomba qoıylǵany týraly habar tústi, dep habarlaıdy QazAqparat tilshisi.

Almaty qalalyq polıtsııa departamentinen habarlaǵandaı, qalanyń jedel qyzmeti bomba qoıylǵany týraly habar túsisimen qala aýmaǵynda ornalasqan alty obektide tekserý júrgizgen.

Atap aıtqanda, úsh bank, Qazaq-Brıtan tehnıkalyq ýnıversıteti, avtoortalyq jáne áýejaıǵa bomba qoıylǵany týraly aqparat túsken.

«Qazirgi ýaqytta bes nysan tekserilip, aqparattyń jalǵan ekeni anyqtaldy. Taǵy bir nysanda, ıaǵnı, qaladaǵy bankterdiń birinde tekserý jumysy jalǵasyp jatyr»,- dep habarlady polıtsııa.

Arnaıy is-sharaǵa saper bólimsheleri men arnaıy mamandar jumyldyrylǵan.

Almaty polıtsııasy azamattardy ótip jatqan sharalarǵa túsinistikpen qarap, járdem kórsetýge shaqyrdy.