Úsh aıda jol-kólik apatynan 4 myńǵa jýyq adam zardap shekti

NUR-SULTAN. QazAqparat – Qazaqstanda osy jyldyń 3 aıynda 224 myńnan astam kólik tirkeldi, dep habarlaıdy QazAqparat tilshisi.

«2021 jylǵy qańtar-naýryzda Qazaqstan Respýblıkasynda 224 421 jeńil avtomobıl tirkelgen. Bul 2020 jyldyń tıisti kezeńmen salystyrǵanda 3,5 paıyzǵa kóp. Qazaqstan Respýblıkasynda 2021 jylǵy 1 sáýirdegi jaǵdaı boıynsha tirkelgen jeńil avtomobılderdiń sany 3 849,9 myń birlikti qurady» delingen QR Strategııalyq josparlaý jáne reformalar agenttiginiń ulttyq statıstıka bıýrosy taratqan aqparatta.

Vedomstvo málimetinshe, 2021 jylǵy qańtar-naýryzda 2 621 jol-kólik oqıǵasy tirkelip, 3 968 adam zardap shekken.

Ótken jylǵy dál osyndaı kezeńmen salystyrǵanda jol-kólik oqıǵasy 4,3 paıyzǵa kemigen.

«2021 jylǵy 1 sáýirdegi jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 8,8 mlrd teńge somasynda 19 627 saqtandyrý tólemin júzege asyrdy», - dep atap ótedi bıýrodan.