Úsh aıda Nur-Sultan qalasy boıynsha 14,1 mlrd teńge ÁMSQ jarnasy tústi
Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparovtyń aıtýynsha, Nur-Sultan qalasy boıynsha osy jyldyń naýryz aıynda 5,5 mlrd teńgeden asa jarna túsken. Al 2022 jyldyń qańtar-naýryz aılary aralyǵynda medıtsınalyq saqtandyrý úshin elordalyqtar 14,1 mlrd teńgeden asa jarna aýdarǵan. Onyń ishinde jumys berýshilerdiń aýdarymdary 7,6 mlrd teńgeden asady, al jeke kásipkerlerden túsken jarna – 6,5 mlrd teńge.
«Mindetti áleýmettik medıtsınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy, senimgerlik basqarý týraly jasalǵan kelisimshartqa sáıkes, Ulttyq bankte saqtalady da, medıtsınalyq qyzmetter aqysyn tóleýge jumsalady. TMKKK jáne MÁMS paketteri boıynsha halyqqa kórsetilgen medıtsınalyq qyzmetterdiń sapasy men kólemine monıtorıng jasap, teksergennen keıin ǵana Qor jetkizýshilerine tólem júrgiziledi», - deıdi Nurlybek Qabdyqaparov.