Úsh aıda buǵan deıin zańsyz berilgen 75 myń gektar jer memleketke qaıtaryldy
Komıssııanyń resmı ókili Zeıin Álipbektiń málimetinshe, jerdiń nysanaly maqsaty boıynsha paıdalanylmaǵany jáne zańsyz berilgeni úshin prokýrorlar 109,5 myń gektar jer telimin qaıtarý boıynsha qadaǵalaý aktilerin engizgen.
Onyń 5 mlrd-tan astam teńgege 75 myń gektary qaıtaryldy.
- Qostanaı oblysynda aýdandyq jergilikti atqarýshy organ Jer kodeksin buza otyryp, oǵan ókilettigi bolmasa da (oblystyq deńgeıdiń ǵana quzyreti) kadastrlyq quny 12 mln teńge bolatyn 1 myń gektar jerdi AQ-ǵa bergen. Budan bólek, AQ osy ýchaskede jumys júrgizý barysynda Sý kodeksiniń 5-babyn buzǵan (sý obektilerin utymdy paıdalaný qaǵıdatyn buza otyryp «Kishi tańat» kólin qurǵatqan), osyǵan oraı quny 140 mln AQSh dollarynan asatyn 7 mln tonnadan astam ken óndirýge AQ alǵan ekologııalyq ruqsattyń da kúshi joıyldy;
- Ekibastuzda kadastrlyq quny 102 mln teńge bolatyn jalpy aýdany 15,3 myń gektar paıdalanylmaıtyn jer ýchaskeleri;
- Aqmola oblysynyń Qosshy qalasynda kadastrlyq quny 600 mln teńgeden asatyn 20 gektar jer ýchaskesi, ol 2005 jyly saýda-sattyq rásimin saqtamaı, JShS-nyń paıdasyna zańdy buza otyryp satylǵan;
- Jambyl oblysynyń Sarysý aýdanynda kadastrlyq quny 336 mln teńge 60 myń gektar jer ýchaskesi qaıtaryldy, ol sáıkes aryz jáne jerge ornalastyrý jobasyn usynbastan JShS-ǵa zańsyz berilgen.
«Sonymen qatar Almaty oblysynda kadastrlyq quny 140 mıllıon teńge bolatyn, zańsyz berilgen nemese nysanaly maqsaty boıynsha paıdalanylmaǵan 16 myń gektar jerdi memleketke qaıtarý týraly bes qadaǵalaý aktisi engizildi. Mysaly, Qarasaı aýdanynda JShS 2006 jyldan beri kadastrlyq quny 64 mıllıon teńge bolatyn 4 546 gektar aýyl sharýashylyǵy jerin paıdalanbaǵan. Bul jerlerdiń bir bóligi Іle-Alataý memlekettik ulttyq tabıǵı parkiniń qorǵalatyn aımaǵynda ornalasqan», - dep qorytyndylady Zeıin Álipbek.