Úsh aptada bekire aýlaǵan 350-ge tarta adam jaýapqa tartylyp, 15 tonna balyq tárkilendi

NUR-SULTAN. QazAqparat - «Bekire-2022» balyq qorǵaý aktsııasynyń úsh aptasynda ınspektorlar 15 tonnadan astam sý marjanyn zańsyz aınalymnan alyp tastady, dep habarlaıdy QazAqparat.

Aktsııanyń alǵashqy úsh aptasynda tabıǵat qorǵaý zańnamasyn buzýdyń 514 deregi anyqtaldy.

Sonyń nátıjesinde 349 adam ákimshilik jaýapkershilikke tartyldy.

Sonymen qatar 10 is sot organdaryna joldandy.

Brakonerlik, kórineý qylmystyq jolmen tabylǵan múlikti satyp alý nemese satý jáne sırek kezdesetin jáne quryp ketý qaýpi tóngen janýarlardy zańsyz paıdalaný faktileri boıynsha 29 qylmystyq is qozǵaldy.

Tártip buzýshylarǵa 7,4 mln teńge aıyppul salyndy.

Zańsyz aınalymnan 15 tonna 246 kg balyq alyndy, onyń ishinde 845 kg bekire tuqymdas balyq túrleri alynyp tastaldy.

Sondaı-aq, 275 balyq aýlaý quraly men 59 sý kóligi anyqtaldy.

Ózen arnasy men teńiz akvatorııasyn kúndelikti súzý jumystary nátıjesinde sý aıdyndarynan jalpy uzyndyǵy 100 km-ge jýyq 1015 birlik zańsyz balyq aýlaý quraldary alyndy.

Esterińizge sala keteıik, osy jyldyń 30 naýryzynda QR Ekologııa, geologııa jáne tabıǵı resýrstar mınıstrligi, Іshki ister mınıstrligi men QR Ulttyq qaýipsizdik komıteti birlesip, bekire jáne basqa da balyq túrlerin saqtaý, sondaı-aq olardyń ýyldyryq shashýy úshin qolaıly jaǵdaıdy qamtamasyz etý maqsatynda «Bekire-2022» keń aýqymdy balyq qorǵaý aktsııasyn bastady.